|
17/03/2009 O que está a acontecer estes días co PSdeG xa se viña vir. Un grupo de xente presentou, en outubro de 2008, unha candidatura alternativa á executiva local de Santiago de Compostela e deu as súas razóns. De seguido expoñemos o discurso na asamblea (poñente: Xosé Antón López)
Boas noites compañeiras/os: Para empezar a miña intervención quero dar os parabéns ao PSdG de Compostela, facía moitos anos que esta casa do pobo socialista non contaba coa presenza de tantos militantes socialistas nunha asemblea. Iso quere dicir que o socialismo de Compostela hoxe xa acadou un éxito: O da participación da militancia. A participación da militancia é unha palabra clave para unha organización política, sen ela esmorece lentamente. Nós, este grupo de militantes socialistas formamos unha candidatura á executiva. ¿ Por qué o facemos?. Porque non queremos que as cousas segan facéndose como ata agora. Porque non queremos unha agrupación socialista debilitada cara fora e cara dentro. Por que non queremos un partido pechado a militancia, a sociedade e a renovación. Po que non queremos unha agrupación sen actividade. ¿E que queremos?. PARTICIPAR. Participar no proxecto socialista, debatelo, confrontalo entre nós, e defendelo todos xuntos. ¿Como facer isto?. Nós pensamos que: 1º.- Dinamizando a actividade da agrupación socialista de Compostela, fomentando a participación, dando unha maior presenza a militancia para crear unha autentica rede socialista dentro do tecido social.
2º.- Facendo un partido mais visible na sociedade, aproveitando todos os medios tecnolóxicos. 3º.- Achegando o partido á cidadanía, tendo presenza nos barrios, incorporando novos afiliados, facendo un partido sensible socialmente aos problemas das veciñas/os. 4º.- Reforzando o ideario socialista, o discurso socialista non só é xestión, senón tamén ideas e valores. Neste momento histórico, cun contexto económico a deriva, se cabe, recobran mais importancia os principios do socialismo. Mais que nunca as nosas ideas teñen vixencia. Compañeiras/os: Nos queremos facer isto dende a lealdade e a responsabilidade política. Lealdade porque este equipo de mulleres e homes que presentamos esta candidatura pensamos que no socialismo de Compostela non sobra ninguén, todo o contrario, falla xente que aporte mais traballo. Responsabilidade política porque consideramos que estamos nun momento crucial despois dos últimos resultados electorais para o PSdG de Compostela e é bo decir o que se pensa, falar claro e por riba da mesa os problemas para entre todos buscar as solucións.
Responsabilidade porque si esta candidatura ten a vosa confianza o primeiro que fará é reunirse co grupo municipal e o noso alcalde para porñernos a súa disposición e coordinar respostas políticas, unidos e nunha sola dirección. Que ninguén se engane, nós somos compañeiros de viaxe, os rivais políticos están fora. A nosa candidatura pretende representar todo iso . En canto as secretarías, quero facer especial fincapé nunha de elas, a da “Memoria Histórica”. É unha aposta clara por non perder os orixes, por saber quen fomos e quen somos, dando participación a todos os militantes veteranos, que cada un desde o seu lugar, deron tanto a este partido e que tanto arriscaron por defender o socialismo. Tamén queremos facer fincapé en que esta candidatura non ten presidente, porque entendemos que si temos a confianza desta asemblea o presidente debe ser o compañeiro Bugallo, o noso alcalde, o alcalde de todos os socialistas de Compostela. Para rematar, quero facer miñas unhas verbas de Ramón Piñeiro, homenaxeado como ben sabedes co día das letras Galegas do próximo ano, o PSdeG de Compostela "será o que todos nos queiramos que sexa, o que queira a súa militancia” Piñeiro falaba de Galicia eu da agrupación de Compostela. Compañeiras/os se pensades que esta candidatura pode aportar algo novo, mais frescura, mais participación e mais ilusión pídovos que nos votedes. Moitas grazas e boa sorte. Santiago de Compostela 27/10/2008.
|
